ನಮ್ಮದಲ್ಲದ್ದು!

ನಮ್ಮದಲ್ಲದ್ದನ್ನು ಕೆಲವೊಮ್ಮೆ

ನಮ್ಮದೇ ಎಂದು ನಂಬುತ್ತೇವೆ

ಅದನ್ನು ಬಾಚಿ ತಬ್ಬಿಕೊಳ್ಳುತ್ತೇವೆ

ಹಿಡಿದಿಡಿದು ನಗುತ್ತೇವೆ, ಅಳುತ್ತೇವೆ, ಕನಸು ಕಾಣುತ್ತೇವೆ

ಕೊನೆಗೆ ಅದು ನಮ್ಮದಲ್ಲ ಎಂಬುದು

ಅರಿವಿಗೆ ಬರುವ ವೇಳೆಗೆ

ನಾವಾಗಲೇ ತಿರುಗಿ ಬಾರದಷ್ಟು

ದೂರ, ಬಹುದೂರ ನಡೆದಿರುತ್ತೇವೆ

ಮರಳಿ ಬರಲು ಬಯಸಿದರೂ

ಕಣ್ಣ ತುಂಬಿದ ಕಂಬನಿ

ದಾರಿ ಕಾಣದ ಹಾಗೆ ಕಂಗಾಲು ಮಾಡಿ ಬಿಟ್ಟಿರುತ್ತದೆ

ನಾವು ನಿಂತಲ್ಲೆ ನಿಂತು ಬಿಡುತ್ತೇವೆ, ಕುಸಿದು ಬಿಡುತ್ತೇವೆ!

ಮುದ್ದು ಮೊಗ

ಕೃಪೆ : https://cdn.tinybuddha.com

ಹಿಂದಿ ಶಾಯರಿ:

Kasoor Neend ka nahi k hum usse Shikwa kare….
Kasoor to us Chehre ka he Jiski Wajah se Neend nahi Ati

ಭಾವಾನುವಾದ:

ಎಷ್ಟು ಕರೆದರೂ, ಗೋಗರೆದರೂ
ನಿದ್ದೆಯದು ಬರುತ್ತಿಲ್ಲ
ಹಾಗೆಂದು ನಿದ್ದೆಯದೇ ತಪ್ಪೆಂದು ನಾ ಚಾಡಿ ಹೇಳುತ್ತಿಲ್ಲ
ತಪ್ಪು ನಿದ್ದೆಯದ್ದಲ್ಲ, ಮಲಗಲು ಬಿಡದೆ ನಿದ್ದೆಗೆಡಿಸುತ್ತಿರುವ ಆಕೆಯ ಮುದ್ದು ಮುಖದ್ದು

ಕನಸಾಗಿ ಸಿಗು

ಕೃಪೆ: http://www.dreams.metroeve.com

ಹಿಂದಿ ಶಾಯರಿ:

Na sawaal banke mila karo,
Na jawaab banke mila karo,
Meri zindagi mera khwaab hai,
Mujhe khwaab banke mila karo…

 ಭಾವಾನುವಾದ:

ನೀನೆನಗೆ ಪ್ರಶ್ನೆಯಾಗಿ ಸಿಗದಿರು
ನೀನೆನಗೆ ಉತ್ತರವಾಗಿ ಸಿಗದಿರು
ನನ್ನೀ ಜೀವನ ನನ್ನದೇ ಸುಂದರ ಕನಸು,
ನೀನೆನಗೆ ಕನಸಾಗಿ ಸಿಗುತ್ತಿರು

ಜೊತೆಗಾರ

ಕಣ್ಣಲಿ

ಲೇಖನಿಯಿಂದ ಇಳಿಯದ

ಪುಟಗಳ ಮೇಲೆ ಹರಿಯದ

ಹಾಡಾಗಿ ತೇಲದ

ನೂರಾರು ಕವಿತೆ ಬೆಚ್ಚನೆ

ಹುದುಗಿದೆ ನಿನ್ನ ಕಣ್ಣಲಿ!

ಪುಟ್ಟ ದೀಪ

ಹಚ್ಚ ಹೊರಟೆ ಪುಟ್ಟ ದೀಪವೊಂದ

ಕತ್ತಲ ಗೆಲ್ಲುವ ಭರಾಟೆಯಲಿ

ದೀಪ ಬೆಳಗಲೇ ಇಲ್ಲ! ಕಾರಣ;

ಎಣ್ಣೆಯ ಬದಲು ನೀರ ಹಾಕಿದ್ದೆ ಅವಸರದಲಿ

ಹೊಸ ಪ್ರೀತಿಯ ಬಂಡಿ

ತುಕ್ಕು ಹಿಡಿದ ತುಕಾಲಿ

ನೆನಪುಗಳ ಹಳಿಯ ಮೇಲೆ

ಎಷ್ಟು ದೂರ ಸಾಗೀತು

ಹೊಸ ಪ್ರೀತಿಯ ಬಂಡಿ?

ನಾ ಕವಿಯಾದೆ

ಗೆಳತಿ ಹೇಮಾ ಬಿದ್ರೆ ಬಿಡ್ಸಿದ್ದು

                                                                        ಅವಳು ಸಿಕ್ಕಳು

ನಾ ಕವಿತೆ ಬರೆದೆ

ನೋಡಿ ನಕ್ಕಳು

ನಾ ಕವಿತೆ ಬರೆದೆ

ಹೃದಯವ ಕದ್ದಳು

ನಾ ಕವಿತೆ ಬರೆದೆ

ನನಗೆ ದಕ್ಕಳು

ನಾ ಕವಿತೆ ಬರೆದೆ

ನಗುವಿಗೂ ಅಳುವಿಗೂ ಜೊತೆಯಾದಳು

ನಾ ಕವಿತೆ ಬರೆದೆ

ಜಗಳದ ಮೇಲೆ ಜಗಳವಾಡಿದಳು

ನಾ ಕವಿತೆ ಬರೆದೆ

ಇಂದು ನನ್ನ ಬಿಟ್ಟು ಹೋದಳು

ನಾ ಕವಿತೆ ಬರೆದೆ

ನನ್ನ ಮರೆತೇ ಬಿಟ್ಟಳು

ನಾ ಕವಿತೆ ಬರೆದೆ

ನನ್ನಿಂದ ಅವಳು ಕವಿತೆಯಾದಳು

ಅವಳಿಂದ ನಾ ಕವಿಯಾದೆ

ಕ್ಯಾಮರಾ

   

Prime lens zoom lens ಎಂದು

 ಮಾರುಕಟ್ಟೆಯಲ್ಲಿ lens ಗಳು ಸಾವಿರ

ಆದರೆ ನಾ ಬಡವ

  ನನಗೆ ಕಣ್ಣೇ ಕ್ಯಾಮರಾ

- ನಿರುಪಯೋಗಿ

ಸ್ವಚ್ಛ ಭಾರತ

'ಶುಚಿಯಾಗಿಡಿ' ಎಂದು ಪರಿಸರಸ್ನೇಹಿಗಳು 

ಹೇಳಿದಾಗ ಕಿವಿಕೊಡದವರು

ಮೋದಿಜಿ, 'ಸ್ವಚ್ಛ ಭಾರತ' ಎಂದೊಡನೆ

ಪೊರಕೆ ಹಿಡಿದು ಹೊರಟರು

     ಇದಕ್ಕೆ ಇರಬೇಕು, ಶಂಖದಿಂದ ಬಂದರೆ ತೀರ್ಥ 

ಎಂದು ಹೇಳುವುದು ದೊಡ್ಡವರು!

- ನಿರುಪಯೋಗಿ 

ನನ್ನ ಪ್ರಶ್ನೆ..!!

ಬಸ್ ನಲ್ಲಿ ಅವಳು ಮಲಗಿದ್ದಳು ಅವನನ್ನು ಬಿಗಿಯಾಗಿ ತಬ್ಬಿ,

ಅವನ್ಯಾರೆ೦ದು ಕೇಳಿದೊಡೆ ಅವಳೆ೦ದಳು ಅವನು ನನ್ನ hubby,

    ನನ್ನ ಪ್ರಶ್ನೆ, ಈ hubby chubby ಗಳ ಫಲವೇ marriage ಗೆ ಮೊದ್ಲೇ baby?!