ಕ್ಯಾಮರಾ

   

Prime lens zoom lens ಎಂದು

 ಮಾರುಕಟ್ಟೆಯಲ್ಲಿ lens ಗಳು ಸಾವಿರ

ಆದರೆ ನಾ ಬಡವ

  ನನಗೆ ಕಣ್ಣೇ ಕ್ಯಾಮರಾ

- ನಿರುಪಯೋಗಿ

For you and your family - One Minute Please

ಸ್ವಚ್ಛ ಭಾರತ

'ಶುಚಿಯಾಗಿಡಿ' ಎಂದು ಪರಿಸರಸ್ನೇಹಿಗಳು 

ಹೇಳಿದಾಗ ಕಿವಿಕೊಡದವರು

ಮೋದಿಜಿ, 'ಸ್ವಚ್ಛ ಭಾರತ' ಎಂದೊಡನೆ

ಪೊರಕೆ ಹಿಡಿದು ಹೊರಟರು

     ಇದಕ್ಕೆ ಇರಬೇಕು, ಶಂಖದಿಂದ ಬಂದರೆ ತೀರ್ಥ 

ಎಂದು ಹೇಳುವುದು ದೊಡ್ಡವರು!

- ನಿರುಪಯೋಗಿ 

ಚಂದಿರ

ಭಾರವಾಗಿದೆ ಈ ಹೃದಯ

ಭಾರವ ತುಸು ಇಳಿಸುವೆಯಾ?

ಕಣ್ಣೀರು ರೆಪ್ಪೆ ಕದ ಮುಟ್ಟಿದೆ

ದಯಮಾಡಿ ತಡೆಯುವೆಯಾ?

ತಂತಿಯೇ ಇಲ್ಲದ ವೀಣೆಯಾಗಿದೆ

ನಾದವ ತರಿಸುವೆಯಾ?

ಬಾಳ ಬೆಳದಿಂಗಳು ಅಸುನೀಗಿದೆ

ನೀನೇ ಚಂದಿರನಾಗುವೆಯಾ?

- ನಿರುಪಯೋಗಿ

ಸಿರಿಗನ್ನಡಂ ಗೆಲ್ಗೆ

ತೆರೆಯುವುದೆನ್ನೆದೆಯ ಕದವು ನುಡಿವಾಗ ಕನ್ನಡವ

ಕುಣಿಯುವುದೆನ್ನ ಮನವು ಕೇಳಿದೊಡೆ ಕನ್ನಡ ಪದವ

ಸದಾ ಮುಡಿಪು ಎನ್ನ ಜೀವನವು ರಕ್ಷಿಸಲು ತಾಯಿ ಕನ್ನಡವ ||೧||

ಆ ಶಬ್ಧ,ಈ ಶಬ್ಧ ನಿಶ್ಶಬ್ಧ ಎಂಬೋ ಆ ಆಂಗ್ಲವೆಲ್ಲಿ?

ಪ್ರತೀ ಶಬ್ಧವೂ ಅಥ೯ಬದ್ಧವಾಗಿಹ ನಮ್ಮ ಸಿರಿಗನ್ನಡವೆಲ್ಲಿ?

ಆದರೂ ಜನರ ಆಂಗ್ಲ ವ್ಯಾಮೋಹಕ್ಕೆ ಎಲ್ಲೆ ಎಲ್ಲಿ? ||೨||

ಉಳಿಯಲು ಬೇಕು ಕನಾ೯ಟಕದ ನೆಲವು

ಕುಡಿಯಲು ಬೇಕು ಕಾವೇರಿ ಜಲವು

ನುಡಿಯಲು ಮಾತ್ರ ಏಕೆ ಬೇಡ ಕಸ್ತೂರಿ ಕನ್ನಡವು? ||೩||

ಹೆತ್ತ ತಾಯಿ ಕನ್ನಡಾಂಬೆ ಇರಬೇಕಾದರೆ ನಮ್ಮ ಬಳಿಗೆ

ಏಕೆ ಹೋಗಬೇಕು ಮಲತಾಯಿ ಆಂಗ್ಲದೆಡೆಗೆ?

ಆಂಗ್ಲವೇ ಅಲ್ಲ,ಮತ್ತೊಂದೇ ಇದಿರಾದರೂ, ಎಂದೆಂದಿಗೂ

"ಸಿರಿಗನ್ನಡಂ ಗೆಲ್ಗೆ, ಸಿರಿಗನ್ನಡಂ ಬಾಳ್ಗೆ" ||೪|| 

ಅನುಭವ..

ಬಹುದಿನಗಳಿಂದ ಮನದ ಮುಖಪುಟದಲ್ಲಿದ್ದ ಬಯಕೆಯಾಗಿತ್ತು ಹೊರೆ |

ಅಂತೂ ಇಂತೂ over night trekking ನ ಅನುಭವದ ಕುತೂಹಲಕ್ಕೆ ಬಿದ್ದಿತ್ತು ತೆರೆ ||

ಗೆಳೆಯರ ಸಮ್ಮಿಲನದ ಬಳಿಕ ಚಾಲನೆ ಸಿಕ್ಕಿತ್ತು ನಮ್ಮ ಪಯಣಕೆ |

ಇನ್ನು ಸ್ವಲ್ಪ ಎತ್ತರವಿದ್ದಿದ್ದರೆ ಗಗನವನ್ನೆ ಚುಂಬಿಸುತ್ತಿತ್ತೆನೋ,ಅಂತಹ ’ಬಾಳೆಗುಡ್ಡ’ ಕೆ ||

ಆ ಕಲ್ಲು ಮುಳ್ಳಿನ ಹಾದಿಯಲ್ಲಿ ಪದೆ ಪದೆ ಸಿಗುತ್ತಿದ್ದ ಒಬ್ಬ ಖಳನಾಯಕ |

ನಮ್ಮಂತಹ ಬಡಪಾಯಿಗಳ ರಕ್ತ ಹೀರುವುದೊಂದೇ ಅವನಿಗಿರುವ ಕಾಯಕ ||

ಆಗೊಮ್ಮೆ ಈಗೊಮ್ಮೆ ಎಂಬಂತೆ ಬಂದು ಹೋಗುತ್ತಿತ್ತು ಮಳೆಯೆಂಬ ಮಾಯಾವಿ |

ಆ ಮಾಯೆಯ ಬಗ್ಗೆ ಎಷ್ಟೇ ಅರಿತರೂ ನಾನಿನ್ನು ಅನನುಭವಿ ||

ಕಷ್ಟ ಪಟ್ಟೋ, ಇಷ್ಟ ಪಟ್ಟೋ ತಲುಪಿದೆವು ಬೆಟ್ಟದ ತುತ್ತತುದಿ |

ಆ ಕ್ಷಣದಲಿ ಮನ ಗೊಣಗುತ್ತಿತ್ತು, "ಆಹಾ ನಾ ನಿಂತಿರುವೆ ಸ್ವರ್ಗದಿ" ||

ಅಲ್ಲಿ ಇಲ್ಲಿ ಎಲ್ಲೆಲ್ಲೂ ಹಚ್ಚ ಹಸುರಿನ ಮುಗುಳ್ನಗು |

ಮೂಗಿನ ಮೇಲಿನ ಮೂಗುತ್ತಿಯಂತೆ, ಗಿರಿಕನ್ಯೆಯ ಮೇಲೆ ಇಬ್ಬನಿಯ ಮೆರುಗು ||

ಆ ಎತ್ತರದ ಬೆಟ್ಟ ಹತ್ತಿಳಿದು ದಣಿದು ಹೋಗಿದ್ದೆವು ನಾವು |

ಭಗೀರಥ ಪ್ರಯತ್ನದಿ ಮಾಡಿದ BRU COFFEE ಯು ಕೊಟ್ಟಿತು ಬೆಚ್ಚನೆಯ ಕಾವು ||

ಚಿಕ್ಕ ಜಲಧಾರೆಯ ಸದ್ದು ಸೆಳೆಯಿತು ನಮ್ಮನ್ನು ಅದರೆಡೆಗೆ |

ರಾಗ ತಾಳವಿರಲಿಲ್ಲ ನಾವು ನೀರಲ್ಲಿ ಮುಳುಗಿ ಹಾಡಿದ ಹಾಡಿಗೆ ||

ನಮ್ಮ ಅಗಲುವಿಕೆಯಿಂದ ಬೇಸರಗೊಂಡಿದ್ದ ಗಿಡ ಮರ leech ಗಳಿಗೆಲ್ಲಾ ಹೇಳಿದೆವು ವಿದಾಯ |

ನಮ್ಮ ತಂಡದೊಂದಿಗೆ ಮತ್ತೆ ಮತ್ತೆ ಭೇಟಿ ನೀಡುವೆವು ಎಂಬ ಆಶ್ವಾಸನೆಯ ಅಭಯ ||

- ನಿರುಪಯೋಗಿ

ನನ್ನ ಪ್ರಶ್ನೆ..!!

ಬಸ್ ನಲ್ಲಿ ಅವಳು ಮಲಗಿದ್ದಳು ಅವನನ್ನು ಬಿಗಿಯಾಗಿ ತಬ್ಬಿ,

ಅವನ್ಯಾರೆ೦ದು ಕೇಳಿದೊಡೆ ಅವಳೆ೦ದಳು ಅವನು ನನ್ನ hubby,

    ನನ್ನ ಪ್ರಶ್ನೆ, ಈ hubby chubby ಗಳ ಫಲವೇ marriage ಗೆ ಮೊದ್ಲೇ baby?!