ಮನೆಯಿಂದ, ಊರಿಂದ ದೂರ ಇರುವವರು ಅರ್ಥ ಮಾಡಿಕೊಳ್ಳುವ 10 ಸಂಗತಿಗಳು

ನಮಸ್ಕಾರ! ನಮ್ ಮನೆ, ನಮ್ ಊರು, ನಮ್ ಸ್ಕೂಲು.. ಇಲ್ಲೆಲ್ಲಾ ನಮ್ ಜೀವನದ ಮರೆಯಲಾರದ ನೂರಾರು ನೆನಪುಗಳಿರುತ್ವೆ. ವಿದ್ಯಾಭ್ಯಾಸದ ಕಾರಣದಿಂದಲೋ, ಕೆಲಸದ ನಿಮಿತ್ತವೋ ನಾವು ಮನೆಯಿಂದ, ಊರಿಂದ ದೂರ ಇರಬೇಕಾಗುತ್ತದೆ. ಈ ಸಂದರ್ಭದಲ್ಲಿ ಹಲವು ಸಂಗತಿಗಳನ್ನು ಅರ್ಥ ಮಾಡ್ ಕೊಳ್ತೀವಿ. ಅದ್ರಲ್ಲಿ ಹತ್ತು ಸಂಗತಿಗಳು ಇಲ್ಲಿವೆ.

1. ಅಮ್ಮನ ಕೈ ಅಡುಗೆ ಮುಂದೆ ಯಾವ್ ರುಚಿನೂ ಇಲ್ಲ

ಅಮ್ಮನ್ ಅಡುಗೆಗಿಂತ ರುಚಿ ಬೇರೆ ಇಲ್ಲ. ಒಪ್ಪಿಕೊಂಡೊನು ದಡ್ಡನಲ್ಲ :D

ಇಲ್ಲಿ ಬೆಂಗಳೂರಲ್ಲಿ MTR ಇದೆ, SLV ಇದೆ, ವಿದ್ಯಾರ್ಥಿ ಭವನ್ ಇದೆ. ಶಾಂತಿಸಾಗರ್, ಸುಖ್ ಸಾಗರ್ ಗಳೂ ಇವೆ. ಇಲ್ಲೆಲ್ಲಾ ತಿಂದಾಗ, ಹೊಟ್ಟೆ ತುಂಬತ್ತೆ ನಿಜ, ಆದ್ರೆ ಮನಸ್ಸಿನ್ ಯಾವುದೋ ಮೂಲೆಲಿ
"ಛೆ! ಏನ್ ಅಂದ್ರು ಅಮ್ಮ ಮಾಡಿದ್ ಹಾಗಿಲ್ಲ.."  ಅನ್ನೋದು ಕೊರಿತಾನೆ ಇರುತ್ತೆ.

2. ಭಾನುವಾರ ಬಂದ್ರೆ ಬಟ್ಟೆಗಳು "ರಾರಾ.. ಒಗೆಯಲು ಬಾರಾ" ಅಂದ್ಕೊಂಡ್ ಕೂತಿರುತ್ವೆ

ಮನೆಯಲ್ ಆಗಿದ್ರೆ ಬಟ್ಟೆ ಒಗೊಯೋಕ್ಕೆ ಅಮ್ಮ ಇರ್ತಾರೆ. ಇಲ್ಲಿ ನಾವೇ ಒಗಿಬೇಕು. ಭಾನುವಾರ ಬಂತು ಅಂದ್ರೆ ಬಟ್ಟೆ ರಾಶಿ ನಮಗೋಸ್ಕರ ಕಾಯ್ತಾ ಇರುತ್ತೆ. ಅವಾಗ್ ಅನ್ಸುತ್ತೆ 

"ಥೋ! ಇಷ್ಟೊಂದ್ ಬಟ್ಟೆ ಹಾಕಿದ್ನಾ ನಾನು.." ಅಂತ. ಮನೇಲಿ ವಾಶಿಂಗ್ ಮ್ಯಾಶಿನ್ ಇದ್ರೆ ಪರ್ವಾಗಿಲ್ಲ, ಇಲ್ಲ ಅಂದ್ರೆ ಡಿಯೋಡ್ರೆಂಟ್ ಬೇಕೇ ಬೇಕು.

3. ಎಷ್ಟೇ ಗುಡ್ಸಿದ್ರೂ, ನೆಲ ಒರ್ಸಿದ್ರೂ, ಅಮ್ಮ ಮಾಡಿದ್ ಹಾಗೆ clean ಆಗಲ್ಲ

ಅಮವಾಸ್ಯೆ, ಹುಣ್ಣಿಮೆ ಬಂದ್ರೆ ಒಂದೊಂದ್ ಸರ್ತಿ ಗಲೀಜ್ ಆಗಿರೋ ರೂಮ್ ಮೇಲೆ ಕಣ್ ಹೋಗುತ್ತೆ. ಇನ್ನೇನ್ ಕ್ಲೀನ್ ಮಾಡದೇ ಇದ್ರೆ ಇಲ್ಲ್ ಇರಕ್ಕೇ ಅಗಲ್ಲ ಅನ್ನೋ ಸ್ಥಿತಿ ತಲುಪ್ದಾಗ ಕ್ಲೀನ್ ಮಾಡೋದು. ಆವಾಗ್ ಅನ್ಸುತ್ತೆ " ಅಮ್ಮ ಮನೇನ ಅದ್ ಹ್ಯಾಗ್ ಅಷ್ಟ್ ಕ್ಲೀನ್ ಮಾಡ್ ಇಡ್ತಾರೋ.." ಅಂತ.



4. ಅಡುಗೆ ಮಾಡ್ಲಿಕ್ ಪ್ರಯತ್ನ ಮಾಡಿ, ಕೊನೆಗೆ Maggi ಮಾಡೋದ್ ಕಲಿತೀವಿ

ದಿನ ಹೊರಗಡೆ ತಿಂದು ಬೇಜಾರ್ ಆಗಿ, ಅಡುಗೆ ಮಾಡಕ್ ಟ್ರೈ ಮಾಡೋಣ ಅಂತ ಹೋಗೋದು, ಆಮೇಲೆ ಇದೆಲ್ಲಾ ನಮ್ ಕೈಯಲ್ಲಿ ಆಗೋ ಮಾತಲ್ಲ ಅಂತ ಗೊತ್ತಾಗಿ ಬ್ರಹ್ಮಚಾರಿಗಳ ಕುಲದೇವರು "ಮ್ಯಾಗಿ ಮ್ಯಾಗಿ ಮ್ಯಾಗಿ..." ಗೆ ಶರಣು ಅನ್ನೋದು.

5. ಅಡುಗೆ ಮಾಡೋದ್ ಓಕೆ. ಪಾತ್ರೆ ತೊಳೆಯೋದ್ ಯಾಕೆ?

ಕಷ್ಟಪಟ್ಟು ಆವಾಗೊಮ್ಮೆ ಇವಾಗೊಮ್ಮೆ ಮ್ಯಾಗಿ ಮಾಡಿದ್ವಿ ಅಂದ್ಕೊಳಿ, ಹಂಗೋ ಹಿಂಗೋ ತಿಂದೂ ಬಿಡ್ತೀವಿ. ನಿಜವಾದ್ ಪರದಾಟ ಶುರುವಾಗೋದೆ ಇವಾಗ. "ಪಿಚ್ಚರ್ ಅಭಿ ಬಾಕಿ ಹೈ ಮೆರೆ ದೋಸ್ತ್.. " ಅಂದ್ಕೊಂಡು ಪಾತ್ರೆಗಳು ಕಾಯ್ಕೊಂಡ್ ಕೂತಿರುತ್ವೆ. ಏನೇ ಹೇಳಿ, ಈ ಅಡುಗೆ ಆದ್ರೂ ಮಾಡ್ ಬಿಡ್ ಬಹುದು, ಪಾತ್ರೆ ತೊಳೆಯೊ ಗೋಳ್ ಬೇಡಪ್ಪ!

6. ಬೆಳಿಗ್ಗೆ ಸಮಯಕ್ ಸರಿಯಾಗಿ ಎಬ್ಸಕ್ಕೆ ಅಮ್ಮ ಇರಲ್ಲ. ಎಲ್ಲಾ ಕಡೆ ನಮ್ದು late entry

ಮನೇಲ್ ಆದ್ರೆ ಅಪ್ಪ ಅಮ್ಮ, ಸುಪ್ರಭಾತ ಹಾಡಿನೋ, ಕ್ಯಾಕರ್ಸ್ ಉಗ್ದೋ ಎಬ್ಬಿಸ್ತಾ ಇದ್ರು. ಇವಾಗ್ ಏನಿದ್ರು ಮೊಬೈಲ್ ಅಲ್ಲಿರೊ ಅಲಾರ್ಮೆ ಗತಿ. ಈ Snooze ನ ಯಾವನ್ ಕಂಡ್ ಹಿಡ್ದ್ನೋ! ಅದೋಂದ್ ಇದೆ ಅಂತ ೫ ನಿಮಿಷಕ್ಕೆ ೧೦ ನಿಮಿಷಕ್ಕೆ Snooze ಮಾಡಿ ಮಾಡಿ, ಎದ್ದು ತಯಾರಾಗಿ ಹೋಗೋದ್ರೊಳಗೆ, ನಮ್ದು ಎಲ್ಲಾ ಕಡೆನು ತಡಾನೆ.

7. ತಿಂಗಳ್ ಕೊನೆಯಲ್ಲಿ ದುಡ್ ಇರಲ್ಲ. ಫ಼್ರೆಂಡೇ ಗತಿ

ಕೆಲ್ಸಕ್ ಸೇರಿದ್ ಮೇಲೆ ಸ್ವಾಭಿಮಾನ ಅನ್ನೋದು ಮನೇಲಿ ದುಡ್ ಕೇಳೋಕೆ ಅಡ್ಡಿ ಆಗುತ್ತೆ. ತಿಂಗಳ್ ಕೊನೇಲಿ ದುಡ್ ಇಲ್ದೇ ಇದ್ದಾಗ, ದುಡ್ ಕೊಟ್ಟು ಕಾಪಾಡೋನು ಫ಼್ರೆಂಡ್. ಇನ್ ಕೆಲವ್ರು ಎಲ್ಲಿ ದುಡ್ ಕೇಳ್ತಾನೋ ಅಂದ್ಕೊಂಡು ತಿಂಗಳ್ ಕೊನೇಲಿ ಕಾಲ್ ಪಿಕ್ ಮಾಡೋದೆ ಇಲ್ಲ.

8. ಜೀವನದ್ ಬಗ್ಗೆ ಅಪ್ಪ ಹೇಳ್ತಿದ್ ಮಾತುಗಳೇ ನಿಜ ಅನ್ಸಕ್ ಶುರು ಆಗುತ್ತೆ

ಮನೇಲಿ ಅಪ್ಪ ಜೀವನದ್ ಬಗ್ಗೆ ಏನಾದ್ರೂ ಹೇಳಿದ್ರೆ, "ಅಯ್ಯೊ, ಇವ್ರದ್ದು ಇದ್ದಿದ್ದೆ." ಅನ್ಸ್ತಾ ಇತ್ತು. ಇವಾಗ ಅದೆ ಮಾತುಗಳು ವೇದವಾಕ್ಯ ಅನ್ಸುತ್ತೆ. ಜೀವನದ್ ಬಗ್ಗೆ ಅವ್ರು ಸರ್ಯಾಗ್ ಅರ್ಥ ಮಾಡ್ ಕೊಂಡಿದಾರೆ ಅನ್ನೋದು ಗೊತ್ತಾಗುತ್ತೆ.



9. ಈ HOD, Manager ಗಳ ಬೈಗುಳಕ್ಕಿಂತ ಅಮ್ಮನ್ ಬೈಗುಳಾನೇ ಹಿತವಾಗಿತ್ತು

ಅಮ್ಮ ಮನೇಲಿ ಬೈದಾಗ "ಯಾಕಪ್ಪ ಬೈತಾರೆ" ಅನ್ಸೋದಿತ್ತು. ಆದ್ರೆ ಇವಾಗ ಈ ಎಚ್.ಓಡಿ, ಮ್ಯಾನೇಜರ್ ಗಳ ಬೈಗುಳ, ಮಾತುಗಳ್ ಕೇಳ್ಸ್ ಕೊಂಡ್ ಮೇಲೆ, ಅಮ್ಮ್ನ್ ಬೈಗುಳಾನೆ ಹಿತವಾಗಿತ್ತು ಅನ್ಸುತ್ತೆ. ಅದನ್ನ ಒಂಥರಾ ಮಿಸ್ ಮಾಡ್ ಕೊಳ್ಳಕ್ ಶುರು ಮಾಡ್ತೀವಿ.

10. ಈ ಐ.ಟಿ ಕಂಪೆನಿಯಲ್ಲಿ ಕೆಲ್ಸ ಮಾಡೋದಕ್ಕಿಂತ ಊರಲ್ಲಿ ಬಜ್ಜಿ ಬೋಂಡ ಅಂಗಡಿ ಹಾಕಿದ್ರೂ ಜಾಸ್ತಿ ದುಡ್ ಮಾಡ್ ಬಹುದು

ಹೈಕ್ ಸಿಗದೆ ಇದ್ದಾಗ, ರಜೆ ಅಪ್ಪ್ರೂವ್ ಮಾಡದೆ ಇದ್ದಾಗ ನಮ್ ತಲೇಲಿ ಮೊದಲ್ ಬರೋ ವಾಕ್ಯ "ಈ ಐ.ಟಿ ಕಂಪೆನಿಯೆಲ್ಲಾ ಬ್ಯಾನ್ ಆಗ್ ಬೇಕ್.. ನನ್ ಮಗಂದ್". ಆರಕ್ ಏರ್ದೆ, ಮೂರಕ್ ಇಳಿದೆ, ಅದೆ ರಾಗ ಅದೆ ಹಾಡು ಅನ್ನೊ ತರ ಕೆಲ್ಸ ಮಾಡೋವಾಗ, ಇದಕ್ಕಿಂತ ಓಲಾ ಲಿ ಕ್ಯಾಬ್ ಡ್ರೈವರ್ ಆಗೋ, ಇಲ್ಲಾ ಊರಲ್ಲಿ ಬಜ್ಜಿ ಬೋಂಡಾ ಅಂಗಡಿನೋ ಹಾಕಿದ್ರೆ ಇದಕ್ಕಿಂತ ಜಾಸ್ತಿ ದುಡ್ ಮಾಡ್ ಬಹುದು ಅನ್ಸುತ್ತೆ.