ಬಿಗ್ ಬಿಲಿಯನ್ ಡೇ ಆಗಿರಬೇಕಾಗಿಲ್ಲ
ತಿಂಗಳ ಸೂಪರ್ ಸೇವರ್ ದಿನವೂ ಬೇಕಿಲ್ಲ ಪ್ರತೀ ದಿನ ಇಲ್ಲಿ
ಭರ್ಜರಿ ಮಾರಾಟ
ಹಳೆಯದು ಬೇಸರವಾಯಿತೆ?
ಕಿತ್ತೊಗೆಯಿರಿ!
ಅದಕ್ಕೂ ಆಕರ್ಷಕವಾದ ಹೊಸತನ್ನು
ನಿಮ್ಮದಾಗಿಸಿಕೊಳ್ಳಿ
ಎಕ್ಸ್ಚೇಂಜ್ ಆಫರ್ಗಳೂ ಇವೆ
ಬೇಡವಾದದ್ದನ್ನು ಮಾರಿ ಬಿಡುವ
ಅಲಕ್ಷ್ಯವಾದದ್ದನ್ನು ಮರೆತು ಬಿಡುವ
ಸಕಲ ಸುಸಜ್ಜಿತ ವ್ಯವಸ್ಥೆಯೂ ಇದೆ
ಇಲ್ಲಿ ಸಂಬಂಧಗಳು ಮಾರಾಟಕ್ಕಿವೆ!
ಹಳೆಯ ಹರಿದ ಚಡ್ಡಿಯ ಬಿಸುಟಿ
ಹೊಸ ಪ್ಯಾಂಟನ್ನು ಖರೀದಿಸುವಂತೆ
ಹಳೆ ಸಂಬಂಧಗಳನ್ನು ಮಾರುಕಟ್ಟೆಯಲ್ಲಿಟ್ಟು
ಹೊಸದನ್ನು ನಿಮ್ಮದಾಗಿಸಿಕೊಂಡು ಬಿಡಿ!
ಇಂದೇ ತ್ವರೆ ಮಾಡಿ!